كتب/ محسن رجب جودة
1-بعد ما تاكل المانجو ،أول ما تخلَص، خد البذور و حطها في جردل مياه عشان تشوف مين اللي تنفع تزرعها
2-اللي يغطس في الجردل خليه و اللي يعوم علي المياه إرميه (عشان ده مش حينفع تزرعه)
3-سيب البذرة التي غطست في المياه لمدة ٥-٦ أيام و بعد ذلك خد البذرة و إكسر القشرة الخشب اللي عليها و طلع البذرة الطرية اللي جواها و خلي بالك عليها.
4-حط كل البذور الطرية اللي إنت طلعتها من جوة في حتة قماش نضيفة مبلولة كويس و بعدين حط القماشة في كيس كبير و إقفله و سيبه إسبوع كامل .
5-بعد إسبوع إفتح الكيس و إغسل البذور الطرية بالمياه و حطها تاني في القماشة المبلولة كويس و سيبها إسبوع كمان في مكان بعيد عن الشمس.
6-أول ما تنبت بذور جديدة، جيب أصرية زرع و إملاها طينة نظيفة و بعدين حط البذرة فيها (نايمه علي بطنها – مش واقفه) في الطينة
7-بعد ٩ – ١٢ يوم حتلاقوا البذرة ابتدت تطلع نبتة صغيرة و بتكبر، سيبها لغاية ما تكبر شوية و تشد حيلها.
8-مبروك عليك شجرة المانجو
